ინგლისის საფეხბურთო ჟურნალისტთა ასოციაციამ წლის საუკეთესო ფეხბურთელად “ლივერპულის” თავდამსხმელი ლუის სუარესი დაასახელა.
რვა დღის წინ ინგლისის პროფესიონალ ფეხბურთელთა ასოციაციამ სწორედ ურუგვაელი ფეხბურთელი მიიჩნია წლის საუკეთესო ფეხბურთელად. როგორც ჩანს, სუარესს ჟურნალისტებმაც დაუფასეს გარჯა.
ლუის სუარესი წელს ოქროს ბუცისთვისაც იბრძვის. ურუგვაელს ორი გოლი აშორებს, რათა პრემიერლიგაში ალან შირერის და კრიშტიანუ რონალდუს რეკორდი გააუმჯობესოს. ინგლისელს და პორტუგალიელს 31 გოლი აქვთ გატანილი.
გიორგი ბალახაძე
