“მანჩესტერ სიტის” ფორვარდი სტევან იოვეტიჩი მიმდინარე სატრანსფერო სეზონში კლუბს არ შეიცვლის. ამის შესახებ “ქალაქელთა” დამრიგებელმა მანუელ პელეგრინიმ განუცხადა ბრიტანულ მედიას.
“იოვეტიჩი გუნდისთვის დიდ სამუშაოს ასრულებს. სტევანი ჩვენთვის მნიშვნელოვანი ფეხბურთელია. მართალია, მისი წასვლის შესახებ ბევრი საუბრობს, მაგრამ იოვეტიჩი “სიტის” ფეხბურთელად რჩება”, - განაცხადა პელეგრინიმ.
შეგახსენებთ, რომ იოვეტიჩს ტურინის “იუვენტუსი” და მილანის “ინტერი” ეპატიჟებიან.
