მილანის “ინტერის” ხელმძღვანელობა ბრაზილიელ მარჯვენა მცველ უოლესთან არენდის ხელშეკრულების შეწყვეტას აპირებს.
19 წლის მოთამაშის კონტრაქტი ლონდონის “ჩელსის” ეკუთვნის. ის იტალიურ კლუბს აგვისტოს შუა რიცხვებში შეუერთდა და “სან-სიროზე” ამა წლის 30 ივნისამდე უნდა დარჩენილიყო, მაგრამ Sky Sports-ის ცნობით, გუნდის მთავარ მწვრთნელ ვალტერ მაცარიზე შთაბეჭდილება ვერ მოახდინა და მის ბოლომდე დატოვებას აზრი აღარ აქვს.
სერია A-სა და იტალიის თამაშებში, უოლესი მოედანზე მხოლოდ ოთხ მატჩში გამოჩნდა და მოედანზე ჯამში 133 წუთი გაატარა. “ჩელსიში” ის 2013 წელს “ფლუმინენსედან” 5,4 მილიონ ევროდ გადავიდა.
