მილანის “ინტერი” ყაზანის “რუბინის” ნახევარმცველ იან მვილას პირად კონტრაქტზე შეუთანხმდა. იტალიური მედიის ცნობით, 23 წლის ფრანგი “ნერაძურის” მაისურს უახლოეს პერიოდში მოირგებს.
ნახევარმცველი მილანელებს რამდენიმე დღის წინათ შეხვდა და თავისი მოთხოვნები გააცნო. მხარეებს შორის მოლაპარაკება წარმატებით დასრულდა. სადღეისოდ, “ინტერის” მიზანი “რუბინთან” შეთანხმების მიღწევაა.
ცნობისათვის, რუსეთის ჩემპიონატის გასულ სეზონში, მვილამ ყაზანელთა მაისურით 19 მატჩი ჩაატარა.
