“ნაპოლის” ფორვარდ გონსალო იგუაინს სურს, რომ ლეგენდარული დიეგო მარადონას მსგავსად, იტალიის პირველობა მოიგოს და მსოფლიოს ჩემპიონის ტიტულსაც დაეუფლოს.
“ფიზიკური და მორალური მხრივ, თავს ბრწყინვალედ ვგრძნობ. ეს თანაგუნდელების დამსახურებაა. ყველა იმ ტურნირის მოგება გვინდა, რომელშიც ვმონაწილეობთ. გვჯერა, რომ სამივე ფრონტზე გამარჯვებისთვის ვიბრძოლებთ. რთული იქნება, მაგრამ ჩვენი გუნდი ამისთვის მზადაა.
მინდა გავაკეთო ის, რაც მარადონამ მოახერხა. სკუდეტოს მოპოვების შემდეგ, მსოფლიოს თასის აღმართვა შესანიშნავი იქნებოდა. ყველაფერს გავაკეთებ იმისთვის, რომ ოცნება რეალობად იქცეს”, - განუცხადა იგუაინმა იტალიურ მედიას.
