დიდი ალბათობით, ახალი სეზონიდან, მადრიდის “რეალის” ფორვარდი გონსალო იგუაინი ტურინის “იუვენტუსის” ღირსებას დაიცავს. Tuttomercatoweb-ის ცნობით, არგენტინელმა “ბებერ სინიორას” თანხმობა უთხრა.
აღნიშნული წყაროს ინფორმაციით, იგუაინს სტამბულის “გალათასარაიც” ეპატიჟებოდა, მაგრამ ფეხბურთელისგან უარი მიიღო. სადღეისოდ, კლუბებს შორის მოსალაპარაკებელი მხოლოდ ტრანსფერის ღირებულებაა. “იუვენტუსისა” და “რეალის” წარმომადგენლები მოლაპარაკების მომდევნო რაუნდს მომდევნო კვირაში ჩაატარებენ და არაა გამორიცხული, ტრანსფერი ოფიციალურადაც გაიჩარხოს.
შეგახსენებთ, რომ “იუვენტუსი” იგუაინის შეძენას წინა ზაფხულსაც ცდილობდა, მაგრამ არ გამოუვიდა.
