იტალიური “ნაპოლის” ცენტრალური თავდამსხმელი გონსალო იგუაინი მიიჩნევს, რომ ჩემპიონთა ლიგის პირველ ტურში, “დორტმუნდთან” გასამართი შეხვედრა მისი გუნდისთვის დიდი გამოცდა იქნება.
“დორტმუნდთან” გასამართი შეხვედრა ჩვენთვის ძალიან მნიშვნელოვანია. ჩემპიონთა ლიგის მაჟორულ ნოტაზე დაწყება გვინდა.
გასულ სეზონში, დორტმუნდელებმა დიდ წარმატებებს მიაღწიეს. მათ ჩემპიონთა ლიგის ფინალში ითამაშეს. ამ გუნდთან დაპირისპირება ჩვენთვის სერიოზული გამოცდა იქნება.
თუ გერმანული გუნდის დამარცხებას მოვახერხებთ, შემდეგ ეტაპზე გასვლის შანსები გაგვეზრდება. თუმცა, ყველას კარგად გვესმის, რომ ეს იოლი არ იქნება.” – ციტირებს იგუაინის სიტყვებს Goal-ი.
