ზლატან იბრაჰიმოვიჩმა განაცხადა, რომ პორტუგალია-შვედეთის წყვილში ფავორიტები სამხრეთელები იქნებიან, თუმცა დაამატა, რომ მუნდიალზე ის ნაკრები გავა, რომელიც უფრო ნაკლებ შეცდომას დაუშვებს:
"რა თქმა უნდა, პორტუგალია ფავორიტია. ჩვენ ორი ისეთი მატჩი გველის, რომლებიც მსოფლიოს ჩემპიონატის ფინალის ტოლფასი იქნება. ეს არ იქნება რიგითი შეხვედრები. საჭიროა, რომ მინიმუმამდე დავიყვანოთ შეცდომები. ვინც ამას მოახერხებს, ბრაზილიაშიც ის წავა" – ამბობს "იბრა".
სამწუხაროა – ზლატან იბრაჰიმოვიჩი ან კრიშტიანუ რონალდუ მუნდიალს მიღმა დარჩება.
