რიკი ჰიკმანის “მაკაბიმ” ისრაელის ჩემპიონატის მეოთხედფინალურ სერიაში “გალილ გილბოასთან” გასვლითი მატჩი 71:75 წააგო და ნაკლებადცნობილ მეტოქეს წონასწორობის აღდგენის საშუალება მისცა – 1:1.
შეგახსენებთ, რომ თელ ავიველებმა რეგულარული სეზონი პირველ ადგილზე დაასრულეს, “გალილ გილბოას” კი მე-8 შედეგი ჰქონდა, თუმცა, ფავორიტად მიჩნეულ მოწინააღმდეგესთან სერიის მე-3 გადამწყვეტ მატჩამდე მიყვანა მაინც მოახერხა.
გასულ შეხვედრაში თავის გამოჩენა ვერც მაკაბელთა ქართული პასპორტის მქონე ლეგიონერმა მოახერხა. ჰიკმანი მოედანზე 23 წუთი გახლდათ და სტუმრებს 6 ქულა, 1 მოხსნა, 3 პასი და 1 ჩაჭრა შესძინა.
რიკიმ 6-დან 1 ორქულიანი და 4-ვე საჯარიმო ჩააგდო, 2 სამქულიანი ააცილა, ბურთი 4-ჯერ დაკარგა, 2-ჯერ დაუფარეს, 2 პერსონალური ფოლი მიიღო და მის წინააღმდეგაც ამდენჯერვე დაჯარიმდნენ.
თელ ავიველთა მხრიდან 10-ქულიან ზღვარს 3 კალათბურთელი ასცდა: დავიდ ბლუ (19), ალექს ტიუსი (15) და ტაირის რაისი (14).
მეოთხედფინალის გადამწყვეტ შეხვედრას 10 მაისს “მაკაბი” უმასპინძლებს.
საბერძნეთის ჩემპიონატის მეოთხედფინალური სერია გიორგი შერმადინის გარეშე გახსნა “ოლიმპიაკოსმა”. პირეოსელებმა სალონიკის “არისი” 74:44 გაანადგურეს, ქართველ ცენტრს კი მცირე ტრავმის გამო არ უთამაშია. შერმადინი, შესაძლოა, სერიის მე-2 შეხვედრაშივე გამოჩნდეს, რომელსაც 8 მაისს “არისი” უმასპინძლებს.
პლეი ოფის დრო მოდის თურქეთის ჩემპიონატშიც, სადაც მანუჩარ მარკოიშვილის “გალათასარაიმ” რეგულარული პირველობა მე-4 ადგილზე დაასრულა და მოედნის უპირატესობა დაიბევა.
დასკვნით ტურში სტამბულელებმა სტუმრად “მერსინი” 100:88 გაანადგურეს და ეს, გუნდის ლიდერთა გარეშე მოახერხეს. სტუმართა თავკაცმა ერგინ ატამანმა მიზანს – მარკოიშვილის, კარლოს აროიოს და ზორან ერცეგის გარეშე უწია. ცხადია, დასვენებული სამეული “გალას” პლეი ოფში უფრო გამოადგება.
მეოთხედფინალში მარკოიშვილის გუნდის მეტოქე სტამბულისვე “ბეშიქთაში” იქნება, ასე რომ, “გალათასარაის” პირველივე რაუნდში პრინციპული დაპირისპირება
