თელ ავივის “მაკაბიმ”, რომლის ღირსებასაც საქართველოს ნაკრების უკანახაზელი რიკი ჰიკმანი იცავს, ისრაელის რეგულარული ჩემპიონატი პირველ ადგილზე დაასრულა.

თელ ავიველებმა პირველობის დასკვნით შეხვედრაში ჰაიფას “მაკაბი” 74:59 დაამარცხეს და სეზონი 22 მოგებით და 7 მარცხით “დახურეს”.

ჰიკმანი ტრადიციულად სასტარტო ხუთეულში იყო და 23 წუთში 6 ქულა, 3 მოხსნა, 2 პასი და 1 ჩაჭრა მიითვალა. რიკიმ 6-დან 3 ორქულიანი ჩააგდო, 2 სამქულიანი ააცილა, 4 პერსონალური ფოლი მიიღო და 6 შეცდომა დაუშვა.

მეოთხედფინალურ სერიაში “მაკაბი” “გალილ გილბოას” შეხვდება. სერია ორ მოგებამდეა, პირველი მატჩი კი 3 მაისს შედგება.