მახაჩყალის “ანჟის” გუს ჰიდინკი კიდევ ერთი წელიწადის განმავლობაში უთავკაცებს. ამის შესახებ ერთ-ერთმა ცნობილმა რუსმა ჟურნალისტმა კონსტანტინ რემჩუკოვმა დაწერა თავის “ტვიტერში”.
“ჰიდინკის ძველ კონტრაქტში იყო პუნქტი, რომლის ძალითაც, ხელშეკრულების წელიწადით გახანგრძლივება შესაძლებელი იყო. ეს პუნქტი მხარეებმა დიდი სიამოვნებით გამოიყენეს. მეც მოხარული ვარ”, - დაწერა რემჩუკოვმა.
აღსანიშნავია, რომ ჰიდინკს ფრანგული “პარი სენ-ჟერმენი” იწვევდა.
