90 კილოგრამ წონით კატეგორიაში მოჭიდავე ქართველ ძიუდოისტს ბექა ღვინიაშვილს, ახალგაზრდებს შორის მსოფლიოს ჩემპიონის ტიტულს ერთადერთი გამარჯვება აშორებს. ევროპის მოქმედმა ჩემპიონმა, ლუბლიანაში მიმდინარე მსოფლიოს პირველობაზე ოთხი შეხვედრა მოიგო და ოთხივე იპონით.
ფინალის გზაზე, ღვინიაშვილმა სლოვაკი არპად სზაკაცი, რუსეთის ნაკრების წევრი რამაზან მალსუიგენოვი, სამხრეთაფრიკელი მიჩელ მარჩიტანი და პოლონელი პატრიკ ციეჩომსკი ჩამოიშორა. ფინალში კი ყაზახ სამატ იესენს დაუპირისპირდება.
