ბელარუსულმა სოლიგორსკის “შახტიორმა”, რომელსაც ზამთარში სანდო გურული შეუერთდა, თურქული შეკრება უკრაინის პერშა ლიგის (პირველი ლიგა) ხარკოვის “ჰელიოსთან” ამხანაგური მატჩით (0:0) დაასრულა.

განვლილ შეხვედრაში გურული სასტარტო შემადგენლობაში არ იყო და მოედანზე შესვენების შემდეგ შევიდა. 28 წლის ქართველმა ფეხბურთელმა შეკრებაზე სამი მატჩი ჩაატარა და ერთი გოლი გაიტანა. მან თავი ნორვეგიულ “ტრომსიოსთან” მოგებულ მატჩში (2:1) გამოიჩინა.