ქართველი ჩოგბურთელების წყვილმა ეკატერინე გორგოძის და სოფო ქვაცაბაიას შემადგენლობით, თურქეთის ქალაქ ანტალიაში მიმდინარე საერთაშორისო ტურნირის (საპრიზო ფონდი 10 ათასი დოლარი) ნახევარფინალში გააღწია.

მე-2 ნომრად განთესილმა ქართველებმა მეოთხედფინალში “უაილდ ქარდის” მქონე რუსებს (გაბუევა-გავეროვა) 6:3, 6:4 სძლიეს, ფინალში გასასვლელად კი მე-3 რეიტინგის მქონე ჩეხურ დუეტს (ალერტოვა-სკამლოვა) გაეჯიბრებიან.

ერთეულთა ტურნირის პირველ რაუნდში გორგოძე გერმანელ ლინდა პრენკოვიჩთან 6:7 (3:7), 0:6 დამარცხდა, ხოლო ქვაცაბაიამ მერვედფინალში ხსენებულ ჩეხ დენისა ალერტოვასთან 6:7 (5:7), 2:6 წააგო.