ინგლისური “ასტონ ვილას” ვეტერანი მეკარე შეი გივენი მომდევნო სეზონიდან სხვა კლუბში ითამაშებს. Sky Sports-ის ცნობით, 37 წლის ირლანდიელი სათამაშო პრაქტიკის არქონას უჩივის და გარემოს გამოცვლა ამიტომ სურს.

“არცთუ დიდი ხნის წინათ, ხელმძღვანელობას შევხვდი და ჩემს მომავალზე ვესაუბრე. შევთანხმდით იმაზე, რომ მეტ სათამაშო დროს ვიმსახურებ. სამწუხაროდ, “ასტონ ვილას” ჩემი მოთხოვნების დაკმაყოფილება არ შეუძლია”, - განაცხადა მეკარემ.

ცნობისათვის, გივენს ბირმინგემელებთან მოქმედი კონტრაქტი კიდევ 3 წლით აკავშირებს.