გერმანული “დორტმუნდის” ერთ-ერთი ლიდერი მარიო გიოტცე აცხადებს, რომ ის მზადაა კარიერის გაგრძელების ნებისმიერი ვარიანტი განიხილოს.

“მზად ვარ, კარიერის გაგრძელების ნებისმიერი ვარიანტი განვიხილო. რა თქმა უნდა, სასიამოვნოა, როდესაც შენით “მანჩესტერის”, “რეალისა” და “ბარსელონას” დაინტერესების შესახებ გებულობ. ამ გუნდებში თამაშით ნაბიჯს წინ გადავდგამ და განვვითარდები.

ჯერჯერობით, შორეული მომავლის დაგეგმა არ მსურს. ამჟამად, გერმანიაში ბედნიერი ვარ და კიდევ დიდი გზის გავლა მომიწევს.” – ციტირებს გიოტცეს სიტყვებს FIFA-ს ოფიციალური ვებგვერდი.