გერმანიის ბუნდესლიგის ოფიციალური საიტის ცნობით, მე-10 ტურის საუკეთესო ფეხბურთელად “დორტმუნდის” ახალწვეული გენრიხ მხითარიანი დასახელდა.

სომხეთის ეროვნული ნაკრების 24 წლის პლეიმეიკერმა გულშემატკივრების ხმათა 58% დაიმსახურა. მე-2 ადგილი მარიო მანჯუკიჩმა დაიკავა (19%), მე-3 კი, შინჯი ოკაზაკი გახდა (12%).

შეგახსენებთ, რომ გელზენკირხენის “შალკესთან” მატჩში, მხითარიანი 2 საგოლე გადაცემით გამოირჩა. დორტმუნდელებმა რურის დერბი 3:1 მოიგეს.