სტამბულის “გალათასარაის” კატალონიის “ბარსელონას” კაპიტნის – კარლეს პუიოლის გადაბირება სურს. Fanatik-ის ცნობით, თურქებს 35 წლის ესპანელთან მოლაპარაკების პროცესი დაწყებული აქვთ.

პუიოლს სეზონის ბოლოს კარიერას დასრულება გადაწყვეტილი აქვს, მაგრამ არაა გამორიცხული, უკანახაზელმა გადაწყვეტილება შეცვალოს. ზაფხულში, ესპანელი თავისუფალი აგენტი გახდება და “გალათასარაის” მისი ხელში ჩაგდება უსასყიდლოდ შეეძლება.

აღსანიშნავია, რომ ტრავმიანობის გამო, პუიოლმა მიმდინარე სეზონში მხოლოდ 5 მატჩი ჩაატარა.