გაგამარუს შიკონათი ცნობილ თეიმურაზ ჯუღელს წოდებაში დაქვეითება
შეგახსენებთ, რომ გაგამარუ ივლისის სუპერტურნის დასავლეთის მე-2 მაეგაშირას წოდებით შეხვდა, თუმცა, ელიტარულ მეტოქეებთან ჭიდილი ძალიან გაუჭირდა. ჯუღელის დაჯაბვნა ამჯერად აღმოსავლეთის მე-5 მაეგაშირა იკიოიმ შესძლო, რომელმაც იორიკირი წამებში დააფიქსირა.
გაგამარუს მომდევნო მოწინააღმდეგე დასავლეთის მე-8 მაეგაშირა კიტატაიკია, რომელთანაც ურთიერთშეხვედრებში ქართველი 1:2 მარცხდება.
ნაგოიას ბაშოს მოგების საუკეთესო შანსი კვლავაც იოკოძუნა ჰაკუჰოს გააჩნია, რომელმაც მიჯრით მე-9 გამარჯვება სეკივაკე გოეიდოსთან იზეიმა. ლიდერს 1 მოგებით ჩამორჩებიან ოძეკი კოტოოში და მე-12 მაეგაშირა კაისეი, ხოლო ოძეკი კაკურიუს და მე-9 მაეგაშირა აოიამას 7-7 გამარჯვება გააჩნიათ.
