ტოკიოს ბაშოს მე-11 დღეს ქართველი სუმოისტი თეიმურაზ ჯუღელი იგივე გაგამარუ დასავლეთის მე-16 მაეგაშირა ტამავაშის გაეჯიბრა და ოშიდაშით დამარცხდა.

აღსანიშნავია, რომ თეიმურაზს მოწინააღმდეგე დოჰიოს რკალთან ჰყავდა მიყვანილი, თუმცა, ბოლო მიძალება ვეღარ განახორციელა და საპასუხო ილეთს წამოეგო. ცნობისთვის, გაგამარუმ ტამავაშისთან რვიდან მე-7 შერკინება წააგო.

ამგვარად, მცირე პაუზის შემდეგ, ქართველი გოლიათი ისევ უარყოფით ბალანსს დაუბრუნდა. ახლა, გაგამარუს აქტივში 5 მოგებაა, პასივში კი – 6 მარცხი.

სექტემბრის სუპერტურნირზე ჯუღელი აღმოსავლეთის მე-9 მაეგაშირას წოდებით ირჯება და სატიტულო წინსვლისთვის დარჩენილი 4 ბრძოლიდან მინიმუმ სამის მოგება სჭირდება. გაგამარუს შემდეგი მოწინააღმდეგე აღმოსავლეთის მე-5 მაეგაშირა ტოკიტენკუ იქნება.

გასული დღეების თავზე, ტოკიოს ტურნირს 10 მოგებით იოკოძუნა ჰაკუჰო ლიდერობს, რომელსაც თითო გამარჯვებით ასევე მონღოლი იოკოძუნა ჰარუმაფუჯი და ოძეკი კისენოსატო ჩამორჩებიან.

სექტემბრის ბაშოს მე-11 დღის მიმოხილვა

http://www.youtube.com/watch?v=XQeH5jREUbQ&feature=player_embedded#t=0