მადრიდის “ატლეტიკოს” კაპიტანი, გაბი Marca-ს ჟურნალისტებს გაესაუბრა. მადრიდელთა ნახევარმცველმა, “სელტასთან” ფრედ დასრულებულ და “ალმერიასთან” ოთხშაბათს გასამართ შეხვედრებზე ისაუბრა.

“ოთხშაბათის შეხვედრა უმნიშვნელოვანესია ჩვენთვის. “ალმერიასთან” გასვლაზე თამაში ადვილი არაა, მაგრამ წაბორძიკების უფლება აღარ გვაქვს. ამიტომაც, უფრო ყურადღებით უნდა ვიყოთ და მეტი შეცდომა აღარ დავუშვათ. “ალმერია” აუცილებლად უნდა დავამარცხოთ.

“სელტასთან შეხვედრაში (2:2) კარგად ვითამაშეთ და ვფიქრობ, რომ მოგება დავიმსახურეთ. სამწუხაროდ, არ გაგვიმართლა” – განაცხადა “როხიბლანკოს” კაპიტანმა.

“ატლეტიკოს” ლა ლიგაში ჩატარებულ 4 შეხვედრაში 8 ქულა აქვს. აქვე გეტყვით, რომ გასულ წელს “ალმერიამ” შინ 2:0 დაამარცხა “ატლეტიკო”.

ირაკლი ალიმბარაშვილი