ფლორენციის “ფიორენტინა” კატალონიის “ბარსელონას” მცველის – დანი ალვესის შეძენით დაინტერესდა. ამ ინფორმაციას იტალიური მედიასაშუალებები ავრცელებენ.
ბრაზილიელის ტრანსფერის ინიციატორი ფლორენციელთა მთავარი მწვრთნელი ვინჩენცო მონტელაა, რომელიც კატალონიელთა მარჯვენაფლანგელის თამაშით დიდად მოხიბლულია.
ცნობისათვის, ესპანეთის პრიმერა დივიზიონის მიმდინარე სეზონში, ალვესმა 17 მატჩი ჩაატარა და 2 გოლით გამოირჩა.
