ფინეთის ნაკრებმა მსოფლიო ჩემპიონატზე მე-4 მარცხი განიცადა და პლეი-ოფში გასვლის თეორიული შანსიც დაკარგა, მისი მძლეველი (67:65) ახალი ზელანდია კი, შესაძლოა, მერვედფინალში აღმოჩნდეს. დიდი ალბათობით, C ჯგუფში რამდენიმე გუნდს 2 გამარჯვება მოუგროვდება და ყველაფერს ურთიერთშეხვედრები გადაწყვეტს.

ზელანდიელები მატჩის მიმდინარეობას კარგა ხანს აკონტროლებდნენ და თამაში მხოლოდ ბოლო მეოთხედში დაიძაბა, რომელიც ფინელებმა 20:10 მოიგეს, თუმცა, ჩრდილოევროპელებმა ჩამორჩენის სრულად აღმოფხვრა ვეღარ მოახერხეს.

ფინელებმა უჩვეულოდ ცოტა – 3 სამქულიანი ჩააგდეს, მათგან ყველაზე შედეგიანი კი ლი იყო 17 ქულით. ზელანდიელთა მხრიდან ფოტუს ორმაგ დუბლამდე ცოტა დააკლდა – 18 ქულა, 8 მოხსნა.

მსოფლიო ჩემპიონატი კალათბურთში. C ჯგუფი. ბილბაო

ფინეთი – ახალი ზელანდია 65:67 (12:18, 20:26, 13:13, 20:10)