გუშინ საღამოს საკალათბურთო სამყარომ შოკისმომგვრელი ამბავი შეიტყო. უეცრად გარდაიცვალა ფიბა-ევროპას პრეზიდენტი ოლაფურ რაფნსონი, რომელიც მხოლოდ 50 წლის გახლდათ. ისლანდიელი შვეიცარიის ქალაქ ჟენევაში ფიბა-ს ახალი შტაბ-ბინის გახსნაზე იმყოფებოდა, როდესაც ეს ტრაგიკული მოვლენა დაფიქსირდა. ცნობისთვის, რაფნსონი თავადაც კალათბურთელი გახლდათ და 1988 წელს “ჰაუკარის” მაისურით ისლანდიის ჩემპიონიც გახდა. იგი ქვეყნის ეროვნული ოლიმპიური კომიტეტის პრეზიდენტიც იყო, ფიბა-ევროპას პრეზიდენტად კი 2010 წელს არჩიეს.