საერთაშორისო საკონსალტინგო კომპანია Wealth-X-მ საგულისხმო კვლევა ჩაატარა, რომლის შემდეგაც პლანეტის მოქმედი 10 ყველაზე მდიდარი ჩოგბურთელის ვინაობა გაარკვია. სპეციალისტებმა როგორც ტურნირების შედეგად მიღებული საპრიზო ჰონორარი, ასევე სპონსორთა მიერ გადარიცხული თანხა და თითოეული მოთამაშის მიერ საკუთარი ბიზნესის წარმოებით მიღებული მოგება შეაჯამეს.

უმდიდრეს ჩოგბურთელთა რეიტინგს სადიდსლემო ტურნირების სარეკორდო რაოდენობით (17) მომგები როჯერ ფედერერია. ჩვენ მიერ ნახსენები სამივე პარამეტრით შვეიცარიელმა ჯამში 180 მილიონი დოლარი გამოიმუშავა.

უმდიდრესი ჩოგბურთელების ტოპათეული შემდეგნაირად გამოიყურება

1. როჯერ ფედერერი (შვეიცარია) 180 მილიონი დოლარი

2. რაფა ნადალი (ესპანეთი) 120

3. მარია შარაპოვა (რუსეთი) 95

4. სერენა უილიამსი (აშშ) 90

5. ვინუს უილიამსი (აშშ) 60

6. ნოვაკ ჯოკოვიჩი (სერბეთი) 55

7. ენდი მარეი (დიდი ბრიტანეთი) 42

8. ნა ლი (ჩინეთი) 35

9. ლეიტონ ჰიუიტი (ავსტრალია) 30

10. კაროლინა ვოზნიაცკი (დანია) 30