"მონაკოს" ახალი მწვრთნელის ლეონარდუ ჟარდიმის განცხადებით, რადამელ ფალკაოს მოედანზე თამაში ჯერჯერობით ნაადრევია. მოგეხსენებათ, კოლუმბიის ეროვნული ნაკრების თავდამსხმელმა იანვარში მძიმე ტრავმა მიიღო და მუნდიალის გამოტოვებაც მოუხდა.
"ფალკაო ვარჯიშობს, იგი რეაბილიტაციის ბოლო ფაზას გადის. კოლუმბიელის მოედანზე თამაში ნაადრვია, თუმცა იმედია მწვანე მინდორს მალე დაუბრუნდება." _ განაცხადა პორტუგალიელმა სპეციალისტმა.
პირველი ოფიციალური მატჩი "მონაკოს" საფრანგეთის ჩემპიონატის პირველ ტურში, 10 აგვისტოს "ლორიანის" წინააღმდეგ ელოდება. საფრანგეთში ვარაუდობენ, რომ ფალკაო ლიგა ერთში პირველ მატჩში მონაწილეობას მიიღებს.
გიორგი ბალახაძე
