“მილუოკი ბაქსში”, რომლის რიგებშიც საქართველოს საკალათბურთო ნაკრების კაპიტანი ზაზა ფაჩულია ირიცხება, სიახლეებია.

“ლოს ანჟელეს კლიპერსის” და “მილუოკის” ხელმძღვანელებმა შეთანხმებას მიაღწიეს, რომლის თანახმადაც მილუოკელებმა ფორვარდი ჯარედ დადლი და დრაფტის პირველ რაუნდში არჩევანის უფლება მიიღეს, კალიფორნიაში კი სერბი ცენტრი მიროსლავ რადულიცა და არგენტინელი მცველი კარლოს დელფინო გადაბარგდნენ.

საინტერესოა, რომ დადლის 2 წლის განმავლობაში 8.5 მილიონი დოლარი უნდა მიეღო, ამდენად, “კლიპერსს” მასთან განშორება არ გაძნელებია, დელფინოს და რადულიცას ჯამური ანაზღაურება კი 4.8 მილიონს უტოლდებოდა.

ოფიციალურად დადასტურდა, რომ “ბაქსში” ითამაშებს 19 წლის ფრანგი ფორვარდი დამიენ ინგლისიც. მილუოკელებმა ეს უკანასკნელი გასული წლის დრაფტზე 31-ე ნომრად აიყვანეს.