კონფედერაციის თასის გადამწყვეტი მატჩის წინ, ესპანეთის ეროვნული გუნდის ნახევარმცველი სესკ ფაბრეგასი ბრაზილიას აქებს და აცხადებს, რომ წინ საოცნებო ფინალია.
“ასეთ მატჩებში, როგორც ფეხბურთელი, იზრდები. ეს შეხვედრა იმაზე მეტ მოტივაციას გძენს, ვიდრე შეგიძლია წარმოიდგინო.
ვფიქრობ, კვირას, მოწოდების სიმაღლეზე ვიქნები. ეს ის ფინალია, რომელზეც უნდა იოცნებო.
ბრაზილია ყველა დროის საუკეთესო ნაკრებია. ჩვენთვის, ამ გუნდის დამარცხება დიდი პატივი იქნება.” – ციტირებს ფაბრეგასის სიტყვებს AS-ი.
შეგახსენებთ, რომ ბრაზილია და ესპანეთი ერთმანეთს ხვალ, თბილისის დროით ღამის 2 საათზე დაუპირისპირდებიან.
