თუ ესპანურ პრესას დავუჯერებთ, მადრიდის “რეალის” მთავარმა მწვრთნელმა, ჟოზე მოურინიომ გონსალო იგუაინი ცუდი ფორმის გამო დასაჯა და არგენტინელს დასვენების საშუალება არ მისცა.
ლა ლიგის 24-ე ტურში, “რაიოსთან” გასამართ შეხვედრას იგუაინი, მოდრიჩი და არბელოა დისკვალიფიკაციის გამო გამოტოვებენ. ესპანელი ჟურნალისტების ცნობით, მოურინიომ მოდრიჩსა და არბელოას ოთ-ოთხდღიანი დასვენება გამოუწერა, ხოლო იგუაინი დასაჯა და არგენტინელს ვარჯიშებზე გამოცხადება დაავალა.
გავრცელებული ინფორმაციით, მოურინიო იგუაინის როგორც სათამაშო, ასევე ფიზიკური ფორმით უკმაყოფილოა. არგენტინელს საკლუბო დონეზე გამართულ ბოლო 6 თამაშში არ გაუტანია. პორტუგალიელი სპეციალისტის აზრით, ამის ერთ-ერთი მიზეზი მომატებული წონაა.
