თბილისის ჭადრაკის სასახლეში მიმდინარე საქართველოს 73-ე ჩემპიონატის პირველ ლიგაში ვაჟ მოჭადრაკეთა შორის მე-2 ტურის პარტიები ჩატარდა.

შედეგად, ქულათა მაქსიმუმით 6 მოჭადრაკე დაწინაურდა: დავით ბენიძე (2510), ივერი ჭიღლაძე (2369), ალექსანდრე ქაშაშვილი (2356), ნინო ხურციძე (2452), ზურაბ ჯავახაძე (2451), ირაკლი ბერაძე (2379).

მე-3 ტურში ერთმანეთს დაუპირისპირდებიან: ბერაძე-ბენიძე, ხურციძე-ჭიღლაძე, ქაშაშვილი-ჯავახაძე.

ცნობისთვის, საქართველოს ჩემპიონატის უმაღლესი ლიგის 4 საგზურისთვის ბრძოლაში 40 მოჭადრაკე ჩაება. მონაწილეები ერთმანეთს შვეიცარული სისტემით 9 ტურად ეჯიბრებიან, ტურნირი კი 23 დეკემბრამდე გასტანს.