თურქეთის ეროვნული ნაკრების და დორტმუნდის "ბორუსიას" ცენტრალური ნახევარმცველი ნური შაჰინი, მომდევნო ორი თვის განმავლობაში თამაშს ვერ შეძლებს.
გერმანული კლუბის ოფიციალური ვებგვერდის ინფორმაციით, 25 წლის ფეხბურთელს მუხლის ოპერაცია ჩაუტარდა და ხანგრძლივ რეაბილიტაციას საჭიროებს.
თურქმა ფეხბურთელმა მუხლის ტრავმა ჯერ კიდევ წინასასეზონო მოსამზადებელი პერიოდის დრო მიიღო.
ცენტრალურ ნახევარმცველს გერმანიის ბუნდესლიგაში, "ფრაიბურგის", "მაინცის", "შტუტგარტის", "შალკეს", "ჰამბურგის", "კიოლნის", "ჰანოვერის" და "ბაიერნის" წინააღმდეგ მატჩების გამოტოვება მოუწევს.
გიორგი ბალახაძე
