სერბეთის საკალათბურთო ნაკრების მთავარმა მწვრთნელმა ალეკსანდრ ჯორჯევიჩმა გუნდის ერთ-ერთი წამყვანი მოთამაშე ვლადიმირ მიცოვი დაითხოვა და ისიც დასძინა, ჩემს ხელში მას მომავალი არ აქვსო.

ინციდენტი ამხანაგურ მატჩში მოხდა, რომელიც სერბებმა მსოფლიო ჩემპიონატის მოსამზადებელ ციკლში ახალ ზელანდიასთან გამართეს. ერთ-ერთ ეპიზოდში ჯორჯევიჩი მიცოვს ჭკუას არიგებდა, როდესაც კალათბურთელმა პირსახოცი მოისროლა და დამრიგებელს ზურგი შეაქცია.

“მიცოვის სანაკრებო კარიერა დასრულებულია. სერბეთში მასზე გაცილებით დიდ კალათბურთელებს უთამაშიათ”, - აღნიშნა ჯორჯევიჩმა.