ბერძნული “ოლიმპიაკოსის” პრეზიდენტმა ევანგელოს მარინაკისმა “ლივერპულისა და ინგლისის ნაკრების ნახევარმცველ სტივენ ჯერარდის მიერ დაფუძნებულ საქველმოქმედო ფონდში 100 ათასი გირვანქა გადარიცხა. ინფორმაცია ინგლისური კლუბის ტვიტერზე გავრცელდა.
შაბათს “ლივერპულსა” და “ოლიმპიაკოსს” შორის ამხანაგური მატჩი გაიმართა, რომელიც ჯერარდის მერსისაიდულ კლუბში თამაშის 15 წლისთავს მიეძღვნა. ბილეთების რეალიზაციიდან შესული თანხა მთლიანად საქველმოქმედო ფონდში ჩაირიცხა.
