დღის ბოლოს, საქართველოს ეროვნული საფეხბურთო ჩემპიონატის მე-7 ტურის 2 მატჩი ჩატარდა. შეიძლება ითქვას, “დინამო” – “მერანისა” და “ზესტაფონი” – “გურიას” მატჩებში ლოგიკური შედეგები დაფიქსირდა.
“დინამო არენაზე”, თბილისელებმა მარტვილელებს უმასპინძლეს და 4:2 იმარჯვეს. “ზესტაფონისა” და “გურიას” დაპირისპირებაში, გადამწყვეტი წუთი 87-ე წუთზე დადგა – ირაკლი ქობალიას ზუსტმა დარტყმამ იმერლებს მოაგებინა.
ქუთაისის "ტორპედო" და "ვიტ ჯორჯია" ერთმანეთში ურთიერთობას ხვალ გაარკვევენ.
“დინამო” (თბილისი) – “მერანი” (მარტვილი) 4:2 (1:1)
გოლები: 0:1 ციკოლია (3), 1:1 კვირველია (18), 2:1 კვირკველია (51), 3:1 ძარია (53), 4:1 შულაია (62), 4:2 ვუო (82)
“ზესტაფონი” – “გურია” (ლანჩხუთი) 1:0 (0:0)
გოლი: 1:0 ქობალია (87)
| 1. | დინამო | 7 | 5 | 1 | 1 | 15:5 | 16 | |
| 2. | ჩიხურა | 7 | 4 | 1 | 2 | 15:10 | 13 | |
| 3. | ტორპედო | 6 | 3 | 3 | 0 | 6:3 | 12 | |
| 4. | მერანი | 7 | 4 | 0 | 3 | 10:11 | 12 | |
| 5. | დილა | 7 | 3 | 2 | 2 | 10:8 | 11 | |
| 6. | მეტალურგი | 7 | 3 | 2 | 2 | 7:9 | 11 | |
| 7. | გურია | 7 | 3 | 0 | 4 | 6:9 | 9 | |
| 8. | ვიტ ჯორჯია | 6 | 2 | 2 | 2 | 7:5 | 8 | |
| 9. | სიონი | 7 | 2 | 2 | 3 | 9:9 | 8 | |
| 10. | ზესტაფონი | 7 | 2 | 1 | 4 | 6:7 | 7 | |
| 11. | ზუგდიდი | 7 | 1 | 2 | 4 | 3:10 | 5 | |
| 12. | სპარტაკი | 7 | 1 | 0 | 6 | 3:11 | 3 |
შენიშვნა: საქართველოს ფეხბურთის ფედერაციის დებულების თანახმად, უმაღლეს, პირველ და დუბლების ჩემპიონატებში თანაბარი ქულების დაგროვების შემთხვევაში, ადგილები შემდეგი პრიორიტეტული პრინციპით გაირკვევა:
- ჩემპიონატში უშუალოდ ურთიერთშეხვედრების შედეგები (ქულათა რაოდენობა და შემდეგ ბურთების უკეთესი სხვაობა. ბურთების ერთნაირი სხვაობის შემთხვევაში, უპირატესობა მიენიჭება გუნდს, რომელსაც ერთმანეთთან შეხვედრებში სტუმრად მეტი გოლი აქვს გატანილი);
-ჩემპიონატში მოგებათა მეტი რაოდენობა;
-ჩემპიონატში გატანილი და მიღებული ბურთების უკეთესი სხვაობა;
-ჩემპიონატში გატანილი გოლების მეტი რაოდენობა;
-ჩემპიონატის განმავლობაში, გუნდის მიერ მიღებული წითელ-ყვითელი ბარათების რაოდენობა (წითელი 3 ქულა, ყვითელი – 1 ქულა. თანაბარი ქულების დაგროვების შემთხვევაში, უპირატესობა მიენიჭება ნაკლებ წითელ ბარათს);
-თუ გუნდებს ეს მაჩვენებელიც თანაბარი აღმოაჩნდებათ, ადგილების გამოსავლენად მოეწყობა კენჭისყრა.
