თბილისის “დინამო” მომავალი სეზონისთვის მზადებას ავსტრიაში განაგრძობს. დღეს, დედაქალაქელები გეზს ავსტრიისკენ აიღებენ – გუნდი ავსტრიის ქალაქ მაირჰოფენში თბილისი-სტამბული-მიუნჰენის ავიარეისით გაემგზავრება.

უკვე ცნობილია, რომ დინამოელები ავსტრიაში სავარაუდოდ ოთხ სპარინგ-შეხვედრას გამართავენ:

20 ივნისი – “დინამო”, კიევი

23 ივნისი – “შახტარი”, დონეცკი

27 ივნისი – “კლუჟი”, რუმინეთი

30 ივნისი – “კრასნოდარი”, რუსეთი

თბილისელთა ოფიციალური ვებ-გვერდის ცნობით, ავსტრიულ შეკრებაზე დინამოელთა მთავარმა მწვრთნელის დუშან უჰრინის განკარგულებაში 25 ფეხბურთელი იქნება:

გიორგი ლორია, თორნიკე ზარქუა, ლევან ტყეშელაშვილი, გივი კვარაცხელია, გიორგი შაშიაშვილი, დავით კვირკველია, გიორგი სეთურიძე, დარკო გლიშიჩი, გიორგი გველესიანი, სანდრო გურეშიძე, ოთარ კაკაბაძე, უსტარიცი, გიორგი მიქაბერიძე, დავით ხურცილავა, ლევან ხმალაძე, ირაკლი ძარია, პეტერ გრაიციარი, გიორგი მერებაშვილი, გიორგი პაპავა, ირაკლი ლექვთაძე, ელგუჯა გრიგალაშვილი, ლაშა შინდაგორიძე, ჩისკო, ჯაბა დვალი და დავით ხოჭოლავა.

კლუბთან კონტრაქტი დაუსრულდა და “დინამოს” დატოვება გადაწყვიტა ესპანელმა მიკელ ალვარომ.