გორელებმა სამი დღის წინათ ურთულეს მატჩში ხორვატული “ჰაიდუკი” დაამარცხეს და დაღლილობის მიუხედავად, თუ დებიუტანტ გიორგი დიასამიძეს არ ჩავთლით, ბოლნისელებს საბრძოლო შემადგენლობა დაუპირისპირეს. “სიონის” რიგებში კი რამდენიმე ახალი სახე გამოჩნდა - ლანჩხუთის “გურიიდან” გადასული ვეტერანი ალეკო გოგობერიშვილი, 20-20 წლის აჩიკო ტვილდიანი და ლაშა პარუნაშვილი, რომლებიც ბოლნისელთა კლუბში არენდის პირობით არიან მიწვეული.
თამაშის საწყისი წუთები ნომინალური მასპინძლებისა იყო. 9 წუთის განმავლობაში ბოლნისელებმა 3 სახიფათო მომენტი შექმნეს, თუმცა მიკუჩაძემ, ახალაიამ და პარუნაშვილმა ვერ ივარგეს. სიონელებმა მაინც იძალეს, მე-11 წუთზე მარჯვნიდან მოაწოდეს კუთხური, თოთაძემ თავით ყველას აჯობა და ანგარიში გახსნა – 1:0.
სტუმრები სწრაფი კონტრშეტევებით ცდილობდნენ ფონს გასვლას. 39-ე წუთზე კი ბოლნისელთა ცენტრალურმა მცველებმა შეცდომა დაუშვეს, ბურთი დოლიძემ მიიღო და მართალია მისი დარტყმული მერლანმა მოიგერია, დამატებაზე ერთობ ეფექტური გოლი გაიტანა – 1:1.
მეორე ტაიმში კი გორელები უკეთ გამოიყურებოდნენ და ეს კვლავაც მათ დამრიგებელს, გიორგი დევდარიანს უკავშირდება. დიასამიძის ნაცვლად მან მინდორზე დავით ბოლქვაძე გაიყვანა და “დილას” თამაშიც დალაგდა. 77-ე წუთზე კი დოლიძე, ისევ მეტოქე მცველების უყურადღებობის წყალობით, კართან ახლოს დარჩა და მერლანისგან მარცხენა დაბალ კუთხეში გაიტანა – 1:2.
მსაჯმა შეხვედრას 5 წუთი დაუმატა. დროის ამ მონაკვეთში “სიონი” უტევდა, მაგრამ გორელებმა მატჩის გამარჯვებამდე მიყვანა შეძლეს.
სიონი (ბოლნისი) – დილა (გორი) 1:2 (1:1)
11 აგვისტო. თბილისი. “მიხეილ მესხი.” 17:30
სიონი: მერლანი, სვანიძე, თოთაძე, ტვილდიანი, ფოფხაძე, განუგრავა, პარუნაშვილი (ჩივაძე 80), გოგობერიშვილი, ზვიად ლობჟანიძე, მიკუჩაძე (ცხადაია 70), ახალაია (უგულავა 75)
მწვრთნელი: გიორგი კიკნაძე
დილა: რევიშვილი, ალადაშვილი, კვახაძე, თომაშვილი, გურული, დოლიძე, მაისურაძე, ილურიძე (გორელიშვილი 82), მოდებაძე (სადაღაშვილი 17), ხიზანეიშვილი, დიასამიძე (ბოლქვაძე 46)
მწვრთნელი: გიორგი დევდარიანი
გოლები: 1:0 თოთაძე (11), 1:1, 1:2 დოლიძე (39, 77)
გაფრთხილება: მიკუჩაძე (58), პარუნაშვილი (62); ილურიძე (25), კვახაძე (39)
მსაჯი: გიორგი ყრუაშვილი
I ტური
ზუგდიდი – ჩიხურა (საჩხერე) 1:3 (0:1)
გოლები: 0:1 ლაშა ჭელიძე (12), 1:1 ირაკლი ეხვაია (51), 1:2 დიმიტრი ტატანაშვილი (78), 1:3 რატი წინამძღვრიშვილი (90)
დინამო (თბილისი) – ზესტაფონი 2:1 (1:0)
გოლი: 1:0 გიორგი მერებაშვილი (27), 1:1 ირაკლი ქობალია (47), 2:1 ჩისკო (90+3)
| 1 | ვიტ ჯორჯია | 1 | 1 | 0 | 0 | 3:0 | 3 |
| 2 | ჩიხურა | 1 | 1 | 0 | 0 | 3:1 | 3 |
| 3 | დინამო (თბ) | 1 | 1 | 0 | 0 | 2:1 | 3 |
| 4 | დილა |
1 | 1 | 0 | 0 | 2:1 | 3 |
| 5 | მერანი | 1 | 1 | 0 | 0 | 2:1 | 3 |
| 6 | მეტალურგი | 1 | 0 | 1 | 0 | 1:1 | 1 |
| 7 | ტორპედო | 1 | 0 | 1 | 0 | 1:1 | 1 |
| 8 | ზესტაფონი | 1 | 0 | 0 | 1 | 1:2 | 0 |
| 9 | სიონი | 1 | 0 | 0 | 1 | 1:2 | 0 |
| 10 | სპარტაკი |
1 | 0 | 0 | 1 | 1:2 | 0 |
| 11 | ზუგდიდი | 1 | 0 | 0 | 1 | 1:3 | 0 |
| 12 | გურია | 1 | 0 | 0 | 1 | 0:3 | 0 |
