“ვოლფსბურგის” ბრაზილიელი შემტევი ნახევარმცველი დიეგო ადასტურებს, რომ მას მადრიდის “ატლეტიკოში” დაბრუნების სურვილი აქვს.

“სიმართლეა, რომ “ატლეტიკოში” დაბრუნება მინდა. ამ გუნდში დასამახსოვრებელი სეზონი ჩავატარე, ხოლო ევროპის ლიგის მოგება ჩვენი წარმატებების მწვერვალი იყო.

თუმცა, ხელი არც მადრიდელებთან მომიწერია რამე დოკუმენტზე და არც რომელიმე სხვა კლუბთან. გადაწყვეტილება “ატლეტიკომ” უნდა მიიღოს. ესპანელები უნდა ჩამოყალიბდნენ, რას აპირებენ და “ვოლფსბურგთან” მოლაპრაკებები აწარმოონ.” – ციტირებს დიეგოს სიტყვებს Sky Sports-ი.

ბოლო დროს გავრცელებული ინფორმაციით, “ატლეტიკო”, რომლის რიგებშიც დიეგო 2011-12 წლებში თამაშობდა, ბრაზილიელის დაბრუნების სურვილს გამოთქვამს, მაგრამ მადრიდელები “ვოლფსბურგის” მიერ მოთხოვნილი თანხის გადახდას ვერ ახერხებენ.