საქართველოს ხელბურთელთა ნაკრები 26 დეკემბერს თელ ავივში ჩაფრინდა და საღამოს უკვე პირველი ვარჯიშიც გამართა.

შეგახსენებთ, რომ დღეს ქართველი ხელბურთელები მასპინძელ ისრაელის ნაკრებთან პირველ ამხანაგურ მატჩს ჩაატარებენ, რომელიც თბილისის დროით 16:30 საათზე დაიწყება.

28 დეკემბერს რიშონში მე-2 სპარინგ-შეხვედრაა დაგეგმილი და ის სტარტს 20:00 საათზე აიღებს.

29 და 30 დეკემბერს გუნდი ორჯერ ივარჯიშებს, მოინახულებს იერუსალიმს, 31 დეკემბერს კი უკვე ანკარას ეწვევა, სადაც 2 იანვარს მსოფლიო ჩემპიონატის საკვალიფიკაციო თამაშია თურქეთის ნაკრებთან.

მომავალი თამაში 20:00 საათზე დაიწყება.

საქართველოს ნაკრები

მეკარეები: შოთა თევზაძე (ბაკეუ, რუმ), გიგა ტორონჯაძე (ტრაბზონსფორი, თურ).

ხაზის მოთამაშეები: გიორგი გვაზავა (სტუ), უჩა მაისურაძე (ბათუმი).

უკანა სამეული: სერგო დათუკაშვილი (ას სადი, ლიბ), ვლადიმერ რუსია (ბაკეუ, რუმ), ირაკლი ჩიქოვანი (ტიმიშოარა, რუმ), რატი მსხვილიძე (ტრაბზონსფორი, თურ), ლექსო წითელიშვილი (სამტრედია), ზურაბ სიმონია (სტუ), თემურ ორჯონიკიძე (სტუ), აკაკი ტალახაძე.

კუთხის მოთამაშეები: რევაზ ჭანტურია (სტრუმიცა, მკდ), უჩა გამზარდია (ბათუმი), ოთარ ამირანაშვილი (სტუ), ზურაბ აბრამიშვილი (სტუ).

მთავარი მწვრთნელი: ჯორჯე რასიჩი (სრბ).

მწვრთნელები: ბექარ ორჯონიკიძე, ირაკლი კეკელიძე.

ექიმი: ლევან ლინნიკი.