ესპანეთი ეროვნული ნაკრების მთავარი მწვრთნელის ვისენტე დელ ბოსკეს განცხადებით, ლუის ვან გაალის გუნდი კვლავ საუკეთესოა და ამას მსოფლიო ჩემპიონატზე დაამტკიცებს.

"ჩვენ ჰოლანდიელებს და მათ სათამაშო სტილს პატივს ვცემთ. ამ გუნდში დღესაც ისეთი ფეხბურთელები თამაშობენ, რომლების თავიანთ კლუბებში საუკეთესოები არიან. რაც შეეხება ჩემ გუნდს, ჩემპიონთა ლიგის ფინალი გავლენას ვერ მოახდენს გუნდის დაკომპლექტებაზე, რადგან სავარაუდო ფეხბურთელები უკვე მონიშნული მყავს. კარგია, როდესაც ესპანური კლუბები ფინალში არიან, ეს მათ სიძლიერეზე მეტყველებს. ვფიქრობ, "ატლეტიკო" სიურპრიზს შემოგვთავაზებს" _ განუცხადა ესპანურ მედიას დელ ბოსკემ.

შეგახსენებთ, რომ 2010 წლის მსოფლიო ჩემპიონატზე ესპანეთის ეროვნულმა ნაკრებმა ჰოლანდია დამატებით დროში 1:0 დაამარცხა.

გიორგი ბალახაძე