ესპანეთის ეროვნული ნაკრების თავკაცი ვისენტე დელ ბოსკე სამუშაო ადგილის შეცვლას არ გეგმავს. დელ ბოსკე “ფურია როხას” ევრო 2016-ზეც გაუძღვება.
“ფედერაცია ჩემს მუშაობას აფასებს. ძალებს მოვიკრებთ და მაქსიმალურად ბევრს ვიმუშავებთ. რევოლუციას არ უნდა ველოდოთ. იგივე გზას მივყვებით, ოღონდ მცირე ცვლილებებით. ვეცდებით, ევროპის ჩემპიონატზე ტიტული დავიცვათ”, - განუცხადა დელ ბოსკემ ესპანურ მედიას.
შეგახსენებთ, რომ ევრო 2016-ის საკვალიფიკაციო ეტაპზე, ესპანელებს ჭიდილი უკრაინის, სლოვაკეთის, ბელარუსის, მაკედონიისა და ლუქსემბურგის ნაკრებებთან მოუწევთ.
