ბერძნული სტილით მოჭიდავე მანუჩარ ცხადაიამ ევროპის ჩემპიონატი მე-5 ადგილით დაასრულა. 66 კილოგრამ წონით კატეგორიაში მოჭიდავე ქართველმა რეპეშაჟის ფინალში აზერბაიჯანელ ჰასან ალიევთან სამ რაუნდში 1:1 2:1 0:2 წააგო.

დამამშვიდებელ ეტაპზე ცხადაია მეოთხედფინალიდან გადაერთო, რუს ადამ კურაკთან მარცხის შემდეგ. იქამდე პოლონელ ტომაშ სვიერკის და ხორვატ დომინიკ ეტლინგერს სძლია, “ბრინჯაოს ნახევარფინალში” კი მოლდოველი იონ ლუჩიტა ჩამოიცილა.