საჩხერის "ჩიხურა" ევროპის ლიგიდან ლიხტენშტაინის "ვადუცის" გამოთიშვის შემდეგ საქართველოში აღარ ჩამოვიდა, მეზობელ ავსტრიაში ემზადება და 18 ივლისს შვეიცარიის მეხუთეადგილოსან "თუნს" შეხვდება ევროპის ლიგის II საკვალიფიკაციო ეტაპის პირველ მატჩში. "ჩიხურასთვის" მართლაც აზრი არ ჰქონდა საქართველოში მობრუნებას, რადგან იქ უკეთ მოემზადებოდნენ.

"თუნმა" კი საკონტროლო მატჩი გამართა შვეიცარიის "კიონიცთან" და 3:0 მოიგო. შემადგენლობა ასეთი იყო: მოზერი (რუბერტო 46), ლიუტი (ფრაი 46), რაინმანი (გასერი 46), სალმონ (შელკენი 46), შირინცი (ზუტა 46), მარტინესი (ლეკაი 46), ჰედიგერი (სუტერი 46), კრსტიჩი (სალამანდი 46), ვიტვერი (კასიო 46), შნოული (კოლარი 46), სადიკი (ჩიჰადე 46). გოლები გაიტანეს შირინცმა (13), კრსტიჩმა (20) და სალამანდმა (87).