აზერბაიჯანის ფეხბურთის ფედერაციათა ასოციაციის სადისციპლინო კომიტეტმა ზაქათალის “სიმურგის” მთავარი მწვრთნელი გიორგი ჩიხრაძე ძალიან მკაცრად დასაჯა.

ქართველი სპეციალისტი აზერბაიჯანის პრემიერლიგის 28-ე ტურში, “ბაქისთან” წაგებული (1:2) მატჩის შემდეგ, ერთ-ერთი გულშემატკივრის სიტყვიერ და ფიზიკურ შეურაცხყოფაში დაადანაშაულეს. კერძოდ, ჩიხრაძე ტრიბუნაზე ავიდა და ქომაგი არა მარტო გალანძღა, არამედ, რამდენიმეჯერ ხელით შეეხო. შედეგად, ის 10 მატჩის განმავლობაში “სიმურგის” სათადარიგოთა სკამზე კუთვნილ ადგილს ვერ დაიკავებს და ჯარიმის სახით 6000 მანათს გადაიხდის. ჩიხრაძისთვის მიმდინარე სეზონის დასრულდა და ე.წ. “ტექნიკურ ზონას” მომავალი სეზონის მე-7 ტურში დაუბრუნდება.

“ბაქისთან” მატჩში “სიმურგის” ოთხმა ფეხბურთელმა ყვითელი ბარათები მიიღო და ამიტომ, კლუბი 1000 მანათს გადაიხდის.