ესპანური გამოცემების ცნობით, “ნაპოლის” თავდამსხმელ ედისონ კავანის “რეალში” გადასვლა სურს, მაგრამ რას ფიქრობენ “სამეფო კლუბის” ხელმძღვანელები, ამაზე ჯერჯერობით არავინ საუბრობს.
ურუგვაელი ფეხბურთელის მსურველი კლუბების შესახებ ბოლო დროს ევროპულ პრესაში გაუთავებლად იწერება. ჟურნალისტები უამრავ შესაძლო ტრანსფერზე ალაპარაკდნენ, მაგრამ ოფიციალურად მხოლოდ “ჩელსის” ინტერესი დადასტურდა – ახლახან “ნაპოლის” პრეზიდენტმა აურელიო დე ლაურენტისმა განაცხადა, რომ კავანის თაობაზე ლონდონელები დაუკავშირდნენ.
ედისონ კავანის წინასწარი სატრანსფერო ფასი 63 მილიონი ევროა. ფორვარდმა ბოლო სეზონში სერია A-ში ჩატარებულ 34 მატჩში 29 გოლი გაიტანა.
