კატალონიის “ბარსელონას” ვეტერანი ნახევარმცველი ჩავი ერნანდესი “კარტახენასთან” კოპა დელ რეის მატჩს გამოტოვებს. “ბლაუგრანას” ოფიციალური საიტის ცნობით, 33 წლის ესპანელს მიკროტრავმა აქვს.

ჩავის კუნთი აწუხებს და სამედიცინო შტაბის დაკვირვების ქვეშ, ინდივიდუალური პროგრამით ვარჯიშობს. სავარაუდოდ, ნახევარმცველი მოედანს ერთ კვირაში დაუბრუნდება.

ცნობისათვის, “კარტახენასთან” საპასუხო მატჩს კატალონიელები სამშაბათს ჩაატარებენ. პირველი შეხვედრა “ბარსელონამ” 4:1 მოიგო.