იტალიური მედიის ინფორმაციით, ტურინის "იუვენტუსმა" და ვეტერანმა გოლკიპერმა ჯანლუიჯი ბუფონმა ხელშეკრულების გახანგრძლივებასთან დაკავშირებით შეთანხმებას მიაღწიეს და უახლოეს მომავალში განახლებული კონტრაქტი ოფიციალურად გაფორმდება.
36 წლის მეკარეს "ბიანკონერისთან" კონტრაქტი მიმდინარე სეზონის ბოლოს ეწურება, თუმცა ახალი ხელშეკრულება მას "იუვენტუსთან" 2017 წლის ზაფხულამდე დააკავშირებს.
ვეტერანმა ფეხბურთელმა მიმდინარე სეზონში 6-ვე მატჩი სრულად ჩაატარა და საკუთარი კარის მშრალად შენახვა მოახერხა.
გიორგი ბალახაძე
