საინტერესო შემთხვევა დაფიქსირდა იტალიაში. “ბოლონიამ” “კორინთიანსის” ნახევარმცველი იბსონი შეიძინა, მაგრამ 30 წლის ფებურთელს, იტალიაში ჩასვლის დროს, აეროპორტში არავინ დახვდა და მას კლუბის ოფისში საკუთარი ძალისხმევით მისვლა მოუხდა.

Corriere dello Sport-ის ცნობით, “ბოლონიას” პრეზიდენტმა, ალბანო გუარალდიმ, მომხდართან დაკავშირებით, კლუბის ოთხ წარმომადგენელს უფლებამოსილება უკვე შეუჩერა. ესენი არიან: გენერალური მდივანი ლუკა ბეფანი, კომუნიკაციების მენეჯერი კარლო კალიჩეტი, მარკეტინგის განყოფილების წარმომადგენელი ანდრეა ბატაკი და ტექნიკური განყოფილების თანამშრომელი ადრიან პოლენტა. ამ ოთხეულის ბედი ოთხშაბთს გასამართ სხდომაზე გადაწყდება.