საფეხბურთო მატჩების მსვლელობისას მოედანზე ცხოველების შეყწევა აღარავის უკვირს, თუმცა ინგლისის ჩემპიონატის 37-ე ტურის მატჩში, რომელშიც ერთმანეთს “ბლექბერნი” და “უიგანი” ერკინებოდნენ, მაინც უჩვეულო რამ მოხდა. შეხვედრის პირველ ტაიმში მოედანზე “ბლექბერნის” სიმბოლიკაში გამოწყობილი ქათამი შევარდა და სანამ ხსენებული გუნდის ფეხბურთელი იაკუბუ აიეგბენი ფრინველს დასდევდა, არბიტრმა თამაში შეაჩერა.
არაა გამორიცხული, რომ “ლივერპულისა” და “ტოტენჰემის” დაპირისპირებაზე გამოჩენილი კატის მსგავსად, სოციალურ ქსელ Twitter-ზე ქათამსაც ანგარიში ჰქონდეს გახსნილი.