ესპანური “ბეტისის” მთავარი მწვრთნელი პეპე მელი დაკავებული თანამდებობიდან გაანთავისუფლეს. აღნიშნულის მიზეზი მიმდინარე სეზონში გუნდის არადამაკმაყოფილებელი შედეგები გახდა – პრიმერა დივიზიონის 15 ტურის თავზე სევილიური გუნდი ბოლო ადგილზე იმყოფება.
50 წლის სპეციალისტს “ბეტისის” თავკაცის პოსტი 2010 წლიდან ეკავა და ამ პერიოდში მე-2 დივიზიონიდან ანდალუზიელები ევროთასებამდე აღაზევა.
მიმდინარე სეზონში მელი უკვე მე-2 მწვრთნელია “ოსასუნას” დამრიგებელ ხოსე ლუის მენდილიბარის შემდეგ, რომელმაც პრიმერაში სამუშაო დაკარგა.
მელის გარდა, “ბეტისი” მისმა ასისტენტებმაც დატოვეს.
