ბრიტანულმა გამოცემა Sunday Times-მა ყველაზე მდიდარი სპორტსმენების სია გამოაქვეყნა. “ლოს ანჯელეს გელექსის” 37 წლის ნახევარმცველის, დევიდ ბექჰემის ქონება 160 მილიონ გირვანქა სტერლიგს შეადგენს, ამიტომ ის ბრიტანეთისა და ირლანდიის უმდიდრეს სპორტსმენად დასახელდა. ბექჰემი, რომლის შემოსავლებიც მნიშვნელოვნად რეკლამებმა გაზარდა, იმოდოვნებს, რომ მიმდინარე წელიწადი მისთვის პროფესიული თვალსაზრისითაც იღბლიანი იქნება და ბრიტანეთის ნაკრების შემადგენლობაში ლონდონის ოლიმპიადაზე იასპარეზებს.
აღსანიშნავია, რომ დევიდთან ერთად ყველაზე მდიდარ სპორტსმენთა 100-ეულში 48 მოქმედი და ყოფილი ფეხბურთელი მოხვდა. მოცურავეებს, ველოსიპედისტებს და სპორტის სხვა სახეობების წარმომადგენლებს კი, როგორც ჩანს, იმდენი შემოსავალი არ აქვთ, რომ ხსენებულ სიაში მოხვედრილიყვნენ.
Sunday Times-მა მეორე ადგილი ყოფილ მორაგბეს, პოლ კედიკს მიაკუთვნა, რომელიც ამჟამად უძრავი ქონებისა და მშენებლობის სფეროში მოღვაწეობს, ამასთან რაგბის კლუბის – “ლიდს რაინოსის” პრეზიდენტიცაა.
მსოფლიოს უმდიდრეს სპორტსმენთა შორის ბექჰემი მხოლოდ მეათეა. პირველ ადგილს მეგოლფე ტაიგერ ვუდსი იკავებს, რომლის ანგარიშზეც 538 მილიონი გირვანქა სტერლინგია. ტაიგერს გერმანელი ავტომრბოლი მიხაელ შუმახერი და ამერიკელი კალათბურთელი მაიკლ ჯორდანი მოსდევენ. ქალებს შორის კი, 55 მილიონი გირვანქა სტერლინგით რუსი ჩოგბურთელი მარია შარაპოვა ლიდერობს.